काठमाडौं । नेपाली कांग्रेसको १४ औँ महाधिवेशनअन्तर्गत आजदेखि प्रदेश महाधिवेशन सुरु हुँदै छ । कांग्रेस केन्द्रीय निर्वाचन समितिले प्रदेश अधिवेशनका लागि मतदाता नामावाली पठाउन थालेको छ ।

समितिका सदस्य सचिव जगन्नाथ श्रेष्ठले अहिलेसम्म तीन प्रदेशमा मतदाता नामावली पठाइएको बताए । उनले भने, ‘प्रदेश नम्बर–१, गण्डकी प्रदेश र सुदूरपश्चिम प्रदेशमा नामावली पुगिसकेको छ ।’

बाँकी चारमध्ये तीन प्रदेशका मतदाताको अन्तिम नामावली आज बेलुकीसम्म पठाइने उनले जानकारी दिए । प्रदेश २ मा जिल्ला अधिवेशन नै नसकिएको हुँदा केही पर सर्ने निर्वाचन समितिले जनाएको छ ।