काठमाडौँ । नायिका रेखा थापाले राष्ट्रिय प्रजातन्त्र पार्टी (राप्रपा)को महामन्त्री पद उम्मेदवारी दिने घोषणा गरेकी छन् । पार्टीको केन्द्रीय सदस्य रहेकी उनले जारी एकता महाधिवेशनमा महिलातर्फबाट महामन्त्री पदमा उम्मेदवारी दिने भएकी हुन् ।

उनले अध्यक्षका दाबेदार राजेन्द्र लिङ्देनको प्यानलबाट महामन्त्रीमा उम्मेदवारी दिने भएकी हुन् । राप्रपा प्रवेश गर्नुअघि उनी नेकपा माओवादी केन्द्रबाट राजनीतिमा लागेकी थिइन् ।

राप्रपामा नयाँ नेतृत्वको चयनका लागि शुक्रबार मतदान हुने भएको छ । बुधबारदेखि राजधानीको भृकुटीमण्डपमा महाधिवेशन सुरु भएको हो ।