काठमाडौं । मछिन्द्र क्लब शहीद स्मारक ‘ए’ डिभिजन लिगको शीर्ष स्थानमा उक्लिएको छ । शनिबार त्रिपुरेश्वरस्थित दशरथ रंगशालामा भएको खेलमा हिमालयन शेर्पा क्लवलाई ३–० ले पराजित गर्दै मछिन्द्र शीर्ष स्थानमा उक्लिएको हो ।

जारी लिगमा मछिन्द्रले चार खेलमा तीन खेल जितेको छ भने एकमा बराबरी खेलेको छ । शनिवार भएको जीतसँगै मछिन्द्र १० अंकका साथ शीर्ष स्थानमा छ ।

समान खेलमा समान अंक जोडेको मनाङ मस्र्याङ्दी गोल अन्तरले शीर्ष दोस्रोमा पुगेको छ ।

शनिवारको खेलमा मछिन्द्रका लागि २९ औं मिनेटमा सुनील बलले गोल गरेपछि पहिलो हाफमा मछिन्द्रले १ सून्यको अग्रता लिएको थियो ।

दोस्रो हाफमा ६७ औं मिनेटमा विदेशी खेलाडी नुर्लान नोभ्रजोभले गोल गरी २–० को अग्रता दिलाए भने ९० मिनेटपछि थपिएको इन्ज्यूरी समयमा विमल घर्तीमगरले गोल गरेपछि मछिन्द्र ३– ० ले विजयी भयो ।

यसअघि दुई खेलमा बराबरी खेलेको हिमालयन शेर्पाले दुई खेलमा पराजय ब्यहोरेको छ ।