काठमाडौँ । बालाजु माछापोखरीमा प्रधान कार्यालय रहेको मेगा ड्रिम बहुउद्देश्यीय सहकारी संस्थाको अध्यक्षमा महाशंकर रेग्मी निर्वाचित भएका छन् । संस्थाको शनिबार सम्पन्न ११ औं वार्षिक साधारण सभाले उनको अध्यक्षतामा सात सदस्यीय सञ्चालक समिति र तीन सदस्यीय लेखा समिति निर्विरोध चयन गरेको हो । उनी यसअघि सचिव थिए ।

चार वर्षका लागि निर्वाचित सञ्चालक समितिको उपाध्यक्षमा बासुदेव भट्ट, सचिवमा इन्द्रप्रसाद गेलाल र कोषाध्यक्षमा रविनकुमार कार्की रहेका छन् । त्यस्तै सदस्यहरुमा शेखर बस्नेत, राजकुमार श्रेष्ठ र सरदकुमार अधिकारी छन् ।

साधारण सभाले लेखा समितिको संयोजकमा उमाकान्त न्यौपाने निर्वाचित गरेको छ । त्यस्तै सदस्यहरुमा प्रकाश घिमिरे र शुभद्रा चौलागाई निर्वाचित भए । निर्वाचित सञ्चालक समिति र लेखा समितिलाई शनिबार नै पद तथा गोपनियताको शपथ ग्रहण गराइएको छ ।