काठमाडौं । महालक्ष्मी विकास बैंक लिमिटेडकोे गंगबु शाखाले टोखा नगरपालिकाको वडा नम्बर ११ मा रहेको सार्वजनिक शौचालयलाई दुई हजार लिटरको २ वटा पानी ट्याङ्की प्रदान गरेको छ ।

संस्थागत सामाजिक उत्तरदायित्व कार्यक्रम अन्तर्गत बैंकले नगरपालिकालाई खानेपानी ट्याङ्की सहयोग गरेको हो ।

वडा कार्यालयमा आयोजित कार्यक्रमकाबीच गंगबु शाखाका प्रबन्धक चेतराज पाण्डेले उक्त पानी ट्याङ्कीहरु टोखा नगरपालिका वडा नं ११ का वडा अध्यक्ष उत्तम अधिकारिलाई हस्तान्तरण गरे ।

उक्त कार्यक्रममा स्थानीय निकायका पदाधिकारीहरु, सामाजिक अभियन्ता, स्थानीय उद्योगी, ब्यापारी तथा बैंकका कर्मचारीहरुको उपस्थिति रहेको थियो ।

महालक्ष्मी बैंकले प्रदेश नं १ मा ५, प्रदेश नं २ मा १५, बाग्मती प्रदेशमा ३७, गण्डकी प्रदेशमा ९, लुम्बिनी प्रदेशमा १८, कर्णाली प्रदेशमा २ र सुदुरपश्चिम प्रदेशमा १७ वटा गरी कुल १०३ वटा शाखाहरुमार्फत करिब ६ लाख ग्राहकहरुलाई वित्तीय सेवा प्रदान गर्दै आएको छ ।