काठमाडौं । नेकपा (एमाले)ले पार्टीको दशौं राष्टिय महाधिवेशनवाट प्राप्त सुझावहरुका आधारमा विधान सम्पादन गर्न र विधानको नयाँ ब्यवस्था अनुसारको नियमावली संसोधनका लागि कार्यदल गठन गरेको छ । पार्टीको दोस्रो पूर्ण बैठकले त्यस्तो कार्यदल गठन गरेको हो ।

कार्यदलको संयोजकमा उपाध्यक्ष विष्णु पौडेलले जिम्मेवारी पाएका छन् ।

उक्त कार्यदलको सदस्यमा संगठन विभागका प्रमुखको जिम्मेवारी पाएका खगराज अधिकारी र कानुनका जानकार रहेका र ओली प्रधानमन्त्री हुँदाका महान्यायाधिवक्ता समेत रहेका केन्द्रीय सदस्य रमेश वढालले जिम्मेवारी पाएका छन् ।

महाधिवेशनका तत्कालिन उपमहासचिव र संगठन विभागका तर्फबाट विष्णु पौडेलले विधान संसोधन प्रस्ताव महाधिवेशन हलमा प्रस्ताव गरेका थिए । सोही आधारमा अहिले विधानको महाधिवेशनको सुझावका आधारमा सम्पादन गर्ने र त्यस अनुसारको नियमावली संसोधन गर्ने जिम्मा एमालेले विष्णु पौडेललाई नै जिम्मा दिएको हो ।