काठमाडौं । पोखरामा आगामी पुस १५ गतेदेखि हुन लागको पोखरा सडक महोत्सवको तयारी अन्तिम चरणमा पुगेको छ ।

रेष्टुरेन्ट एण्ड बार एशोसियसन नेपाल (रेबान) ले शनिवार काठमाडौंमा पत्रकार सम्मेलन गरी २३ औं पोखरा सडक महोत्सवको तयारीबारेमा जानकारी दिएको हो ।

रेबान पोखरा शाखाले गर्न लागेको सडक महोत्सव पुस १७ गतेसम्म सञ्चालन हुनेछ ।

समृद्ध समाजका लागि सुरक्षित पर्यटन प्रवद्र्धन आजको मुल आवश्यकता भन्ने नाराका साथ अंग्रेजी नयाँ वर्षको स्वागतार्थ सडक महोत्सव आयोजना गर्न लागिएको पोखरा सडक महोत्सव उपसमिति, रेबान पोखराले जनाएको छ । सडक महोत्सवको सबै तयारी पूरा भएको आयोजकले जनाएको छ ।

हरेकवर्ष गरिँदै आएको सडक महोत्सव कोरोना संक्रमणको जोखिमका कारण लकडाउन भएकाले गत वर्ष हुन सकेको थिएन ।