महोत्तरी । नेपाली कांग्रेस महोत्तरीका अनसनरत नेता बजरङ्ग नेपालीलाई अनसन तोडाउन नेपाली कांग्रेसका उपसभापति धनराज गुरुङ महोत्तरी पुगेका छन् ।

दुई दिनदेखि भोक हडतालमा रहेका नेपालीले कांग्रेस उपसभापति गुरुङको उपस्थितिमा विहीबार बेलुका नै अनसन तोड्ने महोत्तरी कांग्रेसले जनाएको छ ।

अनसनरत नेपाली तथा नेपाली कांग्रेसको जुन माग थियो त्यो केन्द्रबाट सम्बोधन भएको छ त्यसैले भोकहडताल अहिले तोड्दै छौं,’ नेपाली कांग्रेस महोत्तरीका सचिव शम्भु पाठकले जानकारी दिए ।

नेता नेपालीले विवादित क्षेत्र नम्बर ३ को क्षेत्रीय अधिवेशन सकाएपछि मात्र जिल्ला अधिवेशन गराउनुपर्ने माग राख्दै दुई दिनदेखि भोक हडताल सुरु गरेका थिए ।

नेपाली कांग्रेस महोत्तरीका पूर्व महासचिव समेत रहेका नेपालीको भोकहडताललाई केन्द्रले ध्यानाकर्षण जनाउँदै दुई माघमा क्षेत्र नम्बर ३ को अधिवेशन निर्धारण गरेको छ ।

नेपालीले जिल्ला पार्टी कार्यालय महोत्तरीमा नै अनसन बसिरहेका छन् ।