काठमाडौँ । अत्यधिक हिमपात र बाढीका कारण अफगानिस्तानमा ११ जनाको मृत्यु भएको छ । अधिकारीहरूले बिहीबार दिएको जानकारीअनुसार घटनामा परी देशभरिमा अरु २३ जना घाइतेसमेत भएका छन् ।

अफगानिस्तानमा बुधबार सुरुमा हिमपात भएको र त्यसपछि भारी वर्षा भएर बाढी आएको अधिकारीहरुले जनाएका छन् । उनीका अनुसार मृत्यु भएका र घाइते भएकाहरू देशको हेल्मन्ड, निम्रोज, फराह, नान्गाहर, कान्दहर, जावजान र राजधानी काबुलका रहेका छन् ।

देशको ९० प्रतिशत भूभागमा हिमपात, वर्षा र बाढीको असर परेको सरकारी अधिकारीहरुले जानकारी दिएका छन् । हिमपात, वर्षा र बाढीले मानवीय र भौतिक क्षति भएकाले ठूलो मात्रामा आर्थिक नोक्सानी भएको जनाइएको छ ।