काठमाडौं । पाकिस्तानको उत्तरी क्षेत्रमा भारी हिमपातपछि कठ्याङ्ग्रिएर कम्तीमा २१ जनाको मृत्यु भएको छ ।

पाकिस्तानको पर्यटकीय क्षेत्र मुरी र पञ्जाब प्रान्तमा २० वर्षपछिकै भारी हिमपात भएको अन्तर्राष्टिय समाचार एजेन्सीहरुले जनाएका छन् ।

राजधानी इस्लामावादको उत्तरमा रहेको यो क्षेत्रमा थुप्रै पर्यटकहरू अलपत्र परेको स्थानीय सञ्चारमाध्यमले जनाएका छन् ।

हिमपातले अवरुद्ध भएको सडक सेनाले खाली गर्ने प्रयास गरिरहेको छ । भारी हिमपातले पहाडी क्षेत्रका मानिसहरु फसेका छन् ।

इस्लामाबाद–मुरी राष्ट्रिय राजमार्गलाई बन्द गर्दै सो आसपासका जिल्लामा आपतकाल घोषणा गरिएको छ ।

हिमपातका कारण करिब १ हजार सवारी साधन राजमार्गमा फसेका थिए ।