आमा नेपालका सच्चा सपुत पृथ्थी तिमी रहेछौ ।
तिमो दूरदर्शीताले आमा नेपालको रक्षा गर्‍यो ।
विदेशीको गिद्धे नजरलाई मनन गरी २२ से २४ से राज्यहरुलाई एक शुत्रमा बाँधी राष्ट्र निर्माण गर्‍यो ।

विदेशीसामु कहिले घुँडा टेकेनौ ।
बरु उल्टै घुडा टेकाई आमाको अस्तित्व बचायौ ।

पश्चिम किल्ला काँगडा, पूर्वमा टिस्टासम्म विस्तार ।
विश्वमा चन्द्र सूर्य अंकित झण्डा फहरायौ ।
हामी नेपालीको सान बढायौ ।

जाइकटक नगर्नु झिकी कटक गर्नु,
घुस दिन्या र लिन्या दुवै अपराधी हुन् ।
प्रजा मोटा भया देश बलियो हुन्छ ।
उत्तरतिरका छिमेकीभन्दा दक्षिणतिरका छिमेकी चतुर छन् सजग रहनु,
जस्ता दिव्य उपदेशहरु दिएर गयौ ।
जो अधेपीसम्म सार्थक छन् ।
भविष्यसम्म सार्थक रहिरहने छन् ।

जगतमा चन्द्र सूर्य रहँदासम्म तिम्रो नाम अमर रहिरहोस् ।
तिम्रो सम्झना नेपाली जन जनको हृदयमा रहिरहोस् ।