काठमाडौं । महालक्ष्मी विकास बैंकले नयाँ बचत योजना महालक्ष्मी बचत बृद्धि खाता सार्वजनिक गरेको छ ।

५१ रुपैयाँमा खाता खोल्न मिल्ने ‘महालक्ष्मी बचत बृद्धि खाता’ मा दैनिक मौज्दातमा ८.५५ प्रतिशत व्याज गणना गरी मासिक रूपमा भुक्तानी गरिने बैंकले जनाएको छ ।

यस योजना अन्तर्गत खाता खोलेका ग्राहकको पाँच लाख रुपैयाँ बराबरको दुर्घटना मृत्यु बीमा हुने पनि बैंकले जनाएको छ ।

यस बचत योजना अन्तर्गत खाता खोलेका निःशुल्क अन्तर शाखा कारोबार, निःशुल्क मोबाइल बैंकिङ सुविधा, निःशुल्क अनलाइन बैंकिङ सुविधा,निःशुल्क भिसा डेबिट कार्ड, लकरको वार्षिक शुल्कमा ५० प्रतिशत छुट, निःशुल्क मेरो सेयर सिआस्वा तथा निःशुल्क डिम्याट खाता जस्ता आकर्षक सुविधाहरु प्राप्त गर्ने जनाइएको छ ।