काठमाडौँ । कपिलवस्तु महोत्सवमा दर्शक सवार डुंगा पिङ दुर्घटना हुँदा १४ जना घाइते भएका छन् । शुक्रबार साँझ भएको दुर्घटनामा तीन जना गम्भीर घाइते भएका छन् ।

जिल्ला प्रहरी कार्यालय कपिलवस्तुका प्रहरी उपरीक्षक दान बहादुर कार्कीले गम्भीर घाइतेको उपचारका लागि बुटवल लगिएको बताएका छन् ।

गम्भीर घाइते हुनेमा बाणगंगा नगरपालिका १ का अर्जुन क्षेत्री, सिर्जना थारु र कपिलवस्तु नगरपालिका ९ का आकृति खनाल रहेका छन् ।

यसैगरी सामान्य घाइते हुनेमा शितगंगा नगरपालिका २ मनिषा क्षेत्री, बाणगंगा नगरपालिका ४ का आशिका बिसी, अञ्चल पुन, बम बहादुर क्षेत्री ८ का सीमा खत्री, महिमा चौधरी, सिर्जना सुनार ९ का कृष्ण घर्ती मगर रहेका छन् ।