काठमाडौँ । धरान उपमहानगरपालिका १० स्थित महेन्द्र बहुमुखी क्याम्पसमा नेपाल बैंक लिमिटेडको एक्सटेन्सन काउण्टर सञ्चालनमा आएको छ ।

कार्यक्रममा सञ्चालक समिति सदस्य डा. सावित्री रञ्जित श्रेष्ठले देशकै पहिलो बैंकले देशभर आफूलाई सक्रिय बनाउँदै लगेको बताएकी थिइन । उनले हाल नेपाल बैंक आधुनिक प्रविधि र उच्चतम बैंकिङ्ग सेवाका साथ बौद्धिक युवा जनशक्तिबाट गुणस्तरीय सेवा प्रवाहका साथ समयसँगै अगाडि बढिरहेको विषय राख्दै क्याम्पसले विश्वास गरी थप सेवा गर्ने मौका दिएकोमा क्याम्पसलाई विशेष धन्यवाद व्यक्त गरिन् ।

सो कार्यक्रममा बैंकका प्रदेश १ का प्रदेश प्रमुख सूर्य प्रकाश भट्ट, धरान शाखाका शाखा प्रबन्धकलगायतका बैंक कर्मचारी तथा क्याम्पसका तर्फबाट प्राध्यापक, कर्मचारी तथा विद्यार्थीको सहभागिता रहेको थियो ।

वि.सं. २०१२ सालमा स्थापना भएको पूर्व क्षेत्रकै पुरानो क्याम्पस महेन्द्र बहुमुखी क्याम्पसमा हाल पाँच हजार ५०० भन्दा बढी विद्यार्थी अध्ययनरत छन् ।