पोखरा । पोखरा महानगरपालिकामा तीन जना वडाध्यक्ष र १२ जना वडासदस्यले राजीनामा दिएका छन् । यद्यपि, अहिले पनि राजीनामा बुझाउने काम जारी छ । महानगरको वडा नम्बर ८, २७ र ३३ का अध्यक्षले राजीनामा दिएका हुन् । वडा नम्बर ८ का रुद्रनाथ बराल, वडा नम्बर २७ का पूर्णबहादुर गुरुङ र वडा नम्बर ३३ का शिव आचार्यको दोहोरिने सम्भावना भएकाले राजीनामा दिएका हुन् ।

वडा नम्बर ३० की सदस्य रमा नेपाली, वडा नम्बर २७ की सरस्वती सार्की, १२ नम्बर वडाकी विष्णुमाया विक र देशभक्त केसीले पनि राजीनमा बुझाएका छन् । यस्तै, वडा नम्बर ७ का दिनबन्धु पौडेल र किशोर बराल, वडा नम्बर १७ की सदस्य राधिकाकुमारी शाही र तारा परियार, ३२ को विष्णु तिवारी लगायतले पनि राजीनामा दिइसकेका छन् ।

वडा नम्बर ८ कै किरण गौतम, वडा नम्बर १५ का पार्वती कार्की र मन्दिरा परियारले समेत मेयर मानबहादुर जिसीलाई राजीनामा पत्र थमाएका हुन् । उनीहरू सबैजसो दोहोरिन लागेका हुन् । यसबाहेक पनि अधिकांश जनप्रतिनिधिहरू दोहोरिने सम्भावना भएकोले राजीनामा दिने क्रम जारी छ । पार्टीले निर्णय गरेर टिकट दिने बित्तिकै पत्र बुझाउने तयारीमा जनप्रतिनिधिहरू छन् ।