काठमाडौँ । चालु आर्थिक वर्ष २०७८–७९ को पहिलो नौ महिनामा नेपालमा करिब २० करोड रुपैयाँको छाता भित्रिएको छ । २०७८ साउनदेखि चैत मसान्तसम्म उक्त रकमको छाता नेपाल भित्रिएको भन्सार विभागले जनाएको हो ।

विभागका अनुसार कूल १९ करोड ९० लाख ६३ हजार रुपैयाँको १७ लाख ६३ हजार १२६ थान छाता नेपाल भित्रिएको हो । नेपालमा चीन, भारत, क्रोएसिया, हङकङ, इजरायल, दक्षिण कोरियालगायत देशबाट छाता आयात हुँदै आएको छ ।

चीनबाट मात्र १७ करोड ९ लाख रुपैयाँको छाता नेपाल आयात भएको छ । गत आर्थिक वर्षमा नेपालले विभिन्न देशबाट ३५ करोड १९ लाख रुपैयाँको छाता आयात गरेको विभागको तथ्यांकले देखाएको छ ।