काठमाडौं । नेकपा (माओवादी केन्द्र)का अध्यक्ष पुष्पकमल दहाल (प्रचण्ड)ले स्याङ्जामा शुक्रबार १४ जनाको ज्यान जानेगरी भएको जिप दुर्घटनाप्रति दुःख व्यक्त गरेका छन् ।

वालिङ नगरपालिका–१६ का मतदाता बोकेको ग२च ३०२६ नम्बरको जिप शुक्रबार दुर्घटनामा परेको थियो । दुर्घटनामा १४ जनाको मृत्यु हुनुका साथै ११ जना घाइते भएका थिए ।

प्रचण्डले आफ्नो सामाजिक सञ्जाल मार्फत ‘स्याङ्जाको वालिङ–१४, अर्खलबास भन्ने स्थानमा आज बिहान मतदाता बोकेको जीप दुर्घटना हुँदा १४ जनाको निधन भएको खबरले मर्माहत भएको छु । उक्त दुःखद् घटनामा दिवङ्गत हुनुभएकाहरू प्रति भावपूर्ण श्रद्धाञ्जली अर्पण गर्दै शोकाकुल परिवारजनमा गहिरो समवेदना प्रकट गर्दछु ।’ उल्लेख गरेका छन् ।