उदयपुर । जिल्लाको ताप्ली गाउँपालिकामा गठबन्धनका तर्फबाट माओवादी केन्द्रका ढुंगराज विश्वकर्मा निर्वाचित भएका छन् ।

उनले एमालेका बाबुराम राईलाई पराजित गर्दै अध्यक्षमा निर्वाचित भएका हुन् ।विश्वकर्माले एक हजार ७८७ मत ल्याउँदा एमालेका राईले एक हजार ७४९ मत पाएका छन् ।

यस्तै, उपाध्यक्षमा कांग्रेसकी धनमाया मगर दुई हजार ५८६ मतसहित विजयी भएकी छन् । उनकी प्रतिस्पर्धी एमालेकी मानकुमारी थापाले एक हजार ३०६ मत ल्याउँदै पराजित भएकी छन् ।