पर्सा । जिल्लाको वीरगञ्ज महानगरको पछिल्लो मत गणनाअनुसार प्रमुख पदमा गठबन्धनका उम्मेदवार जनता समाजवादी पार्टी (जसपा)का राजेशमान सिंहले २८ हजार ३५२ मतसहित अग्रतालाई निरन्तरता दिएका छन् । उनका प्रत्यासी नेकपा एमालेका उम्मेदवार विजयकुमार सरावगीले १४ हजार ७०५ मत ल्याएका छन् ।

यसैगरी उपप्रमुखमा पनि गठबन्धनकै उम्मेदवार नेपाली कांग्रेसका इम्तियाज आलम कूल १९ हजार ९०२ मतसहित अगाडि रहेका छन् । उनका प्रत्यासी लोसपाका नेता पुरुषोत्तमलाल झा ४ हजार ४२३ मतसहित दोस्रो स्थानमा रहेका छन् ।

महानगरमा हालसम्म १५ वडाको मात्र मत गणना सम्पन्न भएको छ । ३२ वटा वडा रहेको यस महानगरमा अन्य वडाको मत परिमाण आउन बाँकी छ । मत गणना गर्न लामो समय लाग्ने भएकाले अन्तिम नतिजा आउन एक साता लाग्ने बताइन्छ ।