बारा । जिल्लाको महागढीमाई नगरपालिकामा नेपाली कांग्रेस विजयी भएको छ । मेयरमा कांग्रेसका उपेन्द्रप्रसाद यादव र उपमेयरमा तारादेवी कानु विजयी भएका हुन् ।

यादव ८ हजार ६७० मतसहित मेयरमा विजयी हुँदा निकटतम प्रतिस्पर्धी जनता समाजवादी पार्टी (जसपा)का उम्मेदवार रामबाबुप्रसाद यादवले ७ हजार ३७६ मत पाए ।

उपमेयरमा निर्वाचित कानुले ७ हजार ९९७ मत पाउँदा निकटतम प्रतिस्पर्धी एमालेकी उम्मेदवार पुष्पाञ्जली देवीले ७ हजार १० मत ल्याइन् ।