काठमाडौँ । प्रधानमन्त्री शेरबहादुर देउवा र अमेरिकी उप राज्य सचिव उज्रा जेयाबीच भेट वार्ता भएको छ । प्रधानमन्त्री निवास बालुवाटारमा आइतबार बिहान प्रधानमन्त्री देउवालाई भेट्न जेया पुगेकी हुन् ।

भेटपछि प्रधानमन्त्री देउवाले नागरिक सुरक्षा, प्रजातन्त्र र मानव अधिकारका लागि उप राज्य सचिव जेयाको प्रतिनिधि मण्डललाई स्वगत गर्न पाउँदा खुसी लागेको प्रतिक्रिया दिएका छन् ।

प्रधानमन्त्री देउवाले यस भेट वार्ताले नेपाल–अमेरिकाबीचको सम्बन्ध थप बलियाे भएको बताएका छन् ।

प्रधानमन्त्रीसँगको भेटपछि जेयाको प्रतिनिधि मण्डल टोली परराष्ट्रमन्त्री र गृहमन्त्रीसँग भेट वार्ता गरिरहेका छन् ।