काठमाडौं । काठमाडौं महानगरपालिकाको प्रमुख पदमा स्वतन्त्र उम्मेदवार बालेन साहले भारी मतले अग्रता कायमै राखेका छन् । अहिलेसम्म एक लाख २८ हजार ४८५ मतगणना गरिएको छ । जसमा बालेन भारी मतले अघि बढेका छन् ।

पछिल्लो मत गणना अनुसार बालेनले ४३ हजार ८५० मत पाएका छन् । भने नेपाली कांग्रेसकी उम्मेदवार सिर्जना सिंह २५ हजार ९४४ मतसहित दोस्रो स्थानमा छिन् ।

नेकपा (एमाले) का उमेदवार केशव स्थापितले २५ हजार ५९ मत ल्याएका छन् । हाल वडा नम्बर १२, १३, १४, २१, २२ र २३ मा मतगणना भइरहेको छ । काठमाडौं महानगरमा कुल एक लाख ९० हजार ९८४ मत खसेको छ ।