काठमाडौँ । काठमाडौँ महानगर १५ को वडाध्यक्षमा ईश्वरमान डंगोल विजयी भएका छन् । नेकपा एकीकृत समाजवादीका उम्मेदवार उनले नेपाली कांग्रेसका उम्मेदवार जीवन डंगोललाई पराजित गरेका हुन् ।

ईश्वरमान तीन हजार ४७६ मतसहित दोस्रो कार्यकालका लागि अनुमोदन भएका हुन् । उनका निकटतम प्रतिद्वन्द्वी कांग्रेसका जीवनले एक हजार ५७२ मत मात्रै प्राप्त गरे ।

यस्तै चार सदस्यका लागि नेकपा एसका उम्मेदवारहरू नै विजयी भएका छन् । वडा सदस्य खुलामा विजु श्रेष्ठ र अवसरा केसी, महिला सदस्यमा मैयालक्ष्मी महर्जन र दलित महिला सदस्यमा रीता मिजार विजयी भएका छन् ।

योसँगै नेकपा एसले काठमाडौँ महानगरमा एक वडाध्यक्ष आफ्नो पक्षमा पार्न सफल भएको छ ।