संसदबाट केपी ओलीले खोजे लिम्पियाधुरा, लिपुलेक

मेरोन्यूज २०७९ जेठ १२ गते १६:२८

sf7df8f}F, !@ h]7M k|ltlglw;ef a}7sdf cWoIf cf]nL g]skf -Pdfn]sf_ cWoIf s]kL zdf{ cf]nL k|ltlglw;efsf] laxLaf/sf] a}7sdf wf/0ff /fVb} . tl:a/M /Tg >]i7÷/f;;

काठमाडौं । नेकपा एमाले अध्यक्ष केपी ओलीले सरकारको नीति तथा कार्यक्रममा बोल्दै लिम्पियाधुरा, कालापानी, लिपुलेक खोजेका छन् । उनले यी स्थानबारे नीति तथा कार्यक्रम मौन बसेको आरोप लगाए ।

त्यसपछि बोलेका एमालेका सांसदहरूले पनि नीति तथा कार्यक्रमले सीमा विवादबारे मौन बसेको आरोप लगाएका थिए ।

यसपछि छलफलमा सहभागी भएका कांग्रेसका सांसद प्रकाशमान सिंहले नीति तथा कार्यक्रममा सीमा विवाद समाधान गर्ने समेटिएको जानकारी दिए ।

‘नीति तथा कार्यक्रमको १३९ औँ बुँदामा ऐतिहासिक सन्धि, नक्सा, तथ्यका आधारमा कूटनीतिक माध्यमबाट सीमा सम्बन्धमा बाँकी रहेका विषयमा समाधान गरिने छ उल्लेख छ,’ उनले भने ।

नेपाली कांग्रेसका सांसद सिंहले संसदमा प्रस्तुत भएको सरकारको वार्षिक नीति तथा कार्यक्रममा सीमा विवाद समाधानका लागि पहल भएको बताए ।

प्रतिनिधिसभामा प्रस्तुत गरिएको आगामी आर्थिक वर्षको नीति तथा कार्यक्रममाथिको छलफलमा बिहीबार सहभागी हुँदै उनले नीति तथा कार्यक्रमको १३९ औँ बुँदामा छिमेकी राष्ट्रसँगको सीमा विवाद समाधान गर्ने उल्लेख रहेको बताएका हुन् ।