सप्तरी । सप्तरीको छिन्नमस्ता गाउँपालिका ५ मा शुक्रबार बिहान आगलागी हुँदा २५ लाख बराबरको क्षति भएको छ ।

स्थानीय महेन्द्र कामैतको गोठ लामखुट्टे धपाउन बालेको घुरबाट अचानक आगलगी हुँदा गोठसँगै उनकै ३ जना छोराको घर र घरमा भएको खाद्यान्न, लत्ता कपडा, भाडाकुडालगायतका सामाग्री जलेर नष्ट भएपछि २५ लाख बराबरको क्षति भएको हो ।

आगलागीबाट महेन्द्र कामैतको घर, एउटा बाख्रा जलेर नष्ट भएपछि करिब चार लाख बराबरको क्षति भएको छ । उनको छोरा शंकर कामैतको घर र एउटा बाख्रा, शत्रुधन कामैतको घर र एउटा बाख्रा, भरत कामैतको घर र एउटा बाख्रा गरी करिब पाँच लाख बराबरको क्षति भएको जिल्ला प्रहरी कार्यालय सप्तरीले जनाएको छ ।

आगो नेपाल प्रहरी, सशस्त्र प्रहरी, दमकल र स्थानीयबासीको सहयोगमा निभाएको छ। घटनाको अनुसन्धान भइरहेको प्रहरीले जनाएको छ ।