काठमाडौँ । सरकारले विलासिताका सामान आयातमा कडाइ गरे पनि विदेशी मुद्रा सञ्चिति थप कमजोर भएको छ । नेपाल राष्ट्र बैंकका अनुसार विदेशी विनिमय सञ्चिति वैशाख मसान्तसम्म एक हजार १४६ अर्ब ८८ करोड रुपैयाँ मात्रै रहेको छ ।

चैत मसान्तसम्म विदेशी विनिमय सञ्चिति एक हजार १६७ अर्ब ९२ करोड रुपैयाँ रहेको थियो । जसअनुसार विदेशी मुद्रा सञ्चितिले ७.३४ महिनाको वस्तु आयात र ६.५७ महिनाको वस्तु तथा सेवा आयात धान्न पर्याप्त हुन्छ ।

०७८ असार मसान्तसम्म एक हजार ३९९ अर्ब ३ करोड रुपैयाँ बराबरको कूल विदेशी विनिमय सञ्चिति रहेको थियो । यस आधारमा पछिल्लो १० महिनामा विदेशी मुद्रा सञ्चितिमा १८ प्रतिशतले कमी आएको छ ।

चैत महिनासम्म आइपुग्दा विदेशी मुद्रा सञ्चितिले ६.६ महिनाको वस्तु तथा सेवा आयात धान्न सक्ने अवस्था देखिए पनि १० औँ महिनामा आइपुग्दा सञ्चिति झन कमजोर भएको हो ।