काठमाडौँ । नेपालकै सबैभन्दा ठूलो मल्टीब्राण्ड सपिङ्ग स्टोर ‘बिग डिजिटल’को नयाँ शाखा सञ्चालनमा आएको छ । यो शाखा भक्तपुरको कमलविनायकमा सञ्चालनमा आएको हो ।

एक समारोहका बीच नयाँ शाखा उद्घाटन भएको हो । बिग डिजिटलले उच्च कोटीको उत्पादन ग्राहकमाझ पुर्याउँदै आएको छ ।

कम्पनीले अन्तर्राष्ट्रिय स्तरका विविध ब्राण्डहरूका सामान सहज र सरल ढंगले नेपाली ग्राहकहरूलाई उपलब्ध गराउँदै आएको छ । नेपाली ग्राहकहरूको बदलिँदो इच्छा एवं आकांक्षालाई परिपूर्ति गर्दै बिग डिजिटलले नेपालको सपिङ्ग क्षेत्रमा नँया मापदण्ड सिर्जना गर्ने उद्देश्य राखेको छ ।

यस सपिङ्ग स्टोरमा ९० भन्दा बढी अन्तर्राष्ट्रिय ब्राण्डका घरायसी सामग्री, मोबाइल फोन, ल्यापटप, टिभी, फ्रिज, वासिङमेसिङलगायत विद्युतीय उपकरणका सामाग्री उपलब्ध रहेको छ । त्यसैगरी उनीहरुले खरिद गरेको समानको घरमा निःशुल्क डेलिभरीको सुविधा रहेको छ ।

बिग डिजिटलको काठमाडौँ उपत्यकामा मात्रै चार वटा शाखाहरू सञ्चालन गर्ने लक्ष्य राखेको छ । जसमध्ये यो दोस्रो शाखा हो । कम्पनीले चाँडै नै थप शाखाहरू सञ्चालनमा ल्याउने जनाएको छ । यसको साथै दीर्घकालीन योजनाका रुपमा सबै प्रदेशहरूमा नयाँ स्टोरहरूको सञ्चालन गर्ने योजना बनाएको छ ।