काठमाडौँ । आफ्नै कार्यकक्षमा बोलाएर बलात्कारको प्रयास गरेको आरोपमा लहान नगरपालिकाका उपमेयर पक्राउ परेका छन् । सम्पर्कविहीन रहेका उपमेयर रामचलितर महतो शुक्रबार दिउँसो लहान प्रहरीमा उपस्थित भएका हुन् ।

उपमेयर महतो आफ्ना कानुन व्यवसायीसहित शुक्रबार दिउँसो इलाका प्रहरी कार्यालयमा उपस्थित भएका हुन् । उनको स्वास्थ्य परीक्षणपछि शनिबारसम्म प्रहरी हिरासतमा राखेर अनुसन्धान गर्न म्याद थपका लागि आइतबार सिराहा जिल्ला अदालतमा पेश गरिने लहान प्रहरीले जनाएको छ ।

जागिर लगाइदिन्छु भन्दै गत १९ जेठमा आफ्नो कार्यकक्षमा बोलाएर बलात्कार प्रयास गरेको भन्दै लहानकी २१ वर्षीया महिलाले ४ साउनमा उनीविरुद्ध किटानी जाहेरी दिएकी थिइन् । जाहेरीपछि महतो सम्पर्कविहीन भएका थिए ।