काठमाडौँ । बैतडीको पाटन नगरपालिका ६ बजार नजिकै रहेको श्रीकृष्ण माविको छात्रबास पछाडि एक शिक्षक मृत फेला परेका छन् । 

श्रीकृष्ण मावि पाटन र पाटन बहुमुखी क्याम्पसमा शिक्षण गर्दै आएका ५५ वर्षीय धनबहादुर बिष्ट मृत फेला परेको प्रहरीले जानकारी दिएको छ । 

बैतडीको सुर्नया गाउँपालिका २ घर भई लामो समयदेखि पाटनमा शिक्षण गर्दै आएका बिष्ट श्रीकृष्ण माविको छात्रवास पछाडिको भिरालो ठाउँमा शनिबार दिउँसो मृत अवस्थामा फेला परेको प्रहरीले जनाएको छ ।

इलाका प्रहरी कार्यालय पाटनका वरिष्ठ प्रहरी नायव निरीक्षक गौरव सिंहका अनुसार विष्टको मृत्युबारे केही खुल्न सकेको छैन ।