काठमाडौं । विश्व कुख्यात सिरियल किलरका रूपमा चिनिएका चार्ल्स शोभराज स्वदेश फर्किएका छन् । शुक्रबार साँझ साढे ६ बजे उनी त्रिभुवन अन्तराष्ट्रिय विमानस्थलबाट फ्रान्सतर्फ लागेका हुन् ।

उनी कतार एयसवेजको विमान स्वदेश फर्किएका हुन् ।

केन्द्रीय कारागार सुन्धारबाट छुटे लगत्तै अध्यागमन विभाग पुगेका उनले आफू आजै स्वदेश फर्किन चाहेको बताएका थिए ।

बुधबार सर्वोच्च अदालतले १९ वर्ष दुई महिना जेल सजाय भोगिसकेका शोभराजलाई कैदमुक्त गर्न आदेश दिएको थियो। सम्भव भएसम्म त्यही दिन कैदमुक्त गर्न आदेश दिए पनि कागजी प्रक्रियाका कारण ढिलाइ भएको थियो। 

कागजी रूपमा हिजै कैदमुक्त भएपनि उनी त्यहीँ बसेका थिए। आजमात्रै उनलाई अध्यागमन विभागमा पुर्‍याएको थियो। अध्यागमन विभाग पुर्‍याएसँगै उनलाई डिपोर्टको प्रक्रिया अघि बढाएको थियो।