काठमाडौँ । हेटौँडा उपमहानगर १६ हटियामा सोमबार हात बाँधिएका एक बालक रुखमा झुण्डिएको अवस्थामा फेला परेका छन् ।

जिल्ला प्रहरी कार्यलय मकवानपुरले दिएको जानकारीअनुसार १२ वर्षीय मुस्कान भनिने सुजन थिङको हात बाँधिएको अवस्थामा रुखमा झुण्डिएको अवस्थामा फेला परेका हुन् ।

बालकको हत्या भएको हुनसक्ने आशंकामा अनुसन्धान अगाडि बढाएको जिल्ला प्रहरी कार्यलय मकवानपुरका प्रवक्ता प्रहरी नायव उपरीक्षक टेकबहादुर कार्कीले जानकारी दिए ।

घटनामा संलग्न भएको हुनसक्ने आशंकामा स्थानीय दुईजनालाई सोधफुछका नियन्त्रणमा लिएको उनले जानकारी दिए ।