काठमाडाैं । अभिनेता नाजिर हुसैनको मुख्य भूमिका रहेको फिल्म ‘गुलाबी’ को फष्टलुक सार्वजनिक गरिएको छ।

बिहीबार सरस्वती पूजाको अवसर पारेर निर्माण युनिटले फिल्मको एक पोष्टर फष्टलुकको रूपमा ल्याएको हो।

महिला निर्देशक समुन्द्र भट्टको निर्देशनमा तयार फिल्ममा अभिनेता नाजिर हुसेनले पहिलो पटक (ट्रान्सवुमन) पारलिंगी महिलाको भूमिका निर्वाह गरेका छन् ।

फिल्ममा नाजिरसँगै सञ्चिता लुइँटेल, सुशिल सिटौला, राजकुमार घोष, शिशिर राणा, अनुपम श्रेष्ठ, विशाल पहारीलगायत कलाकारको अभिनय छ।

सार्वजनिक फर्स्टलुक पोस्टरमा चलचित्रको प्रदर्शन मिति भने उल्लेख गरिएको छैन ।