काठमाडौँ । प्रधानमन्त्री पुष्पकमल दाहाल ‘प्रचण्ड’ले टर्कीमा आएको विनाशकारी भूकम्पमा परि ५०० बढीको मृत्यु भएको घटनाप्रति दुःख व्यक्त गरेका छन् ।

उनले मृतकहरूप्रति श्रद्धासुमन व्यक्त गर्दै नेपाल सरकार र जनताको तर्फबाट शोकसन्तप्त परिवाजनप्रति समवेदन प्रकट गरेका छन् ।

‘टर्कीमा आएको विनासकारी भूकम्पमा परी दर्जनौं नागरिकको मृत्यु भएको घटनाप्रति गहिरो दुख व्यक्त गर्दछु। मृतकहरूप्रति भावपूर्ण श्रद्धासुमन अर्पण गर्दै नेपाल सरकार र नेपाली जनताको तर्फबाट शोकसन्तप्त सबैमा गहिरो समवेदना प्रकट गर्दछु,’ प्रधाननमन्त्रीले सामाजिक सञ्जाल फेसबुकमा भनेका छन् ।