काठमाडौँ । गृह मन्त्रालयका सचिव नेतृत्वको बढुवा समितिले सशस्त्र प्रहरीका ४ वरिष्ठ उपरीक्षक (एसएसपी)लाई नायउब प्रहरी महानिरीक्षक (डिआइजीपी) बढुवा सिफारिस गरेको छ ।

बढुवा समितिको बुधबार साँझ बसेको बैठकले बढुवाका लागि सिफरिस गर्ने निर्णय गरेको सदस्यसचिव सशस्त्र प्रहरी अतिरिक्त महानिरीक्षक नारायणदत्त पौडेलले विज्ञप्तिमार्फत जानकारी दिएका छन् ।

सशस्त्र प्रहरी वरिष्ठ उपरीक्षकहरू सुरेशकुमार श्रेष्ठ, अञ्जनीकुमार पोखरेल, दीपेन्द्र शाह र पुरुषोत्तम थापा डिआइजीपी बढुवा सिफारिस भएका हुन् ।