काठमाडौं । प्रधानमन्त्री पुष्पकमल दाहाल ‘प्रचण्ड’ले नवनियुक्त तीन कुलपतिहरुलाई पद तथा गोपनियताको शपथ ग्रहण गराएका छन् ।

बिहान प्रधानमन्त्रीको सरकारी निवास बालुवाटारमा नेपाल सङ्गीत तथा नाट्य प्रज्ञा–प्रतिष्ठानका कुलपति निशा शर्मा, नेपाल प्रज्ञा प्रतिष्ठानका कुलपति भूपाल राई, नेपाल ललितकला प्रज्ञा–प्रतिष्ठानका कुलपति नारदमणी हार्तम्छाली पद तथा गोपनियताको शपथ गराएका हुन् ।

सो अवसरमा प्रधानमन्त्री प्रचण्डले नवनियुक्त कुलपतीहरूलाई बधाइ तथा शफल कार्यकालको शुभकामना व्यक्त गरेका थिए ।

संस्कृति पर्यटन तथा नागरिक उड्डययन मन्त्रालयले नेपाल प्रज्ञा प्रतिष्ठान ऐन २०६४ अनुसार बुधबार नेपाल प्रज्ञा प्रतिष्ठानको उपकुलपतिमा विमल निभा (विमलकृष्ण श्रेष्ठ) सहित ११ सदस्यीय पदाधिकारीहरूको नाम सिसफारिस गरेको हो ।

सिफारिस सदस्यहरूमा मधुसुदन गिरी, कृष्णराज अधिकारी, राजन मुकारुङ, बाबा बस्नेत, कौशिला रिसाल, हंसावती कुर्मी, अमर न्यौपाने, त्रैलोक्यमान बनेपाली र धनप्रसाद सुवेदी रहेका छन् ।