काठमाडाैं । अक्षय कुमारले हालै आफ्नो आगामी फिल्म ‘सेल्फी’ को प्रमोशनका क्रममा एक अन्तर्वार्तामा आफ्नो नागरिकताको बारेमा कुरा गरेका थिए । अक्षय कुमारले आफ्नो लागि भारत नै सबथोक भएको बताउँदै राहदानी परिवर्तनका लागि आवेदन गरिसकेकाे बताएका छन् । साथै उनले आफ्नो क्यानेडियन नागरिकताको कारण मानिसहरूले नराम्राे बोल्दा आफूलाई दुःख लागेकाे पनि बताए ।

अक्षय कुमारले भने, ‘मैले जे कमाएको छु, जे पाएको छु, यहीँबाट पाएको छु र फिर्ता दिने मौका पाएकोमा म भाग्यमानी छु । मलाई नराम्रो लाग्छ जब मान्छेहरु केहि नबुझेर बोल्छन् ।

१९९० को दशकमा अक्षय कुमारका १५ भन्दा बढी फिल्म फ्लप भएका थिए । यसबारे कुरा गर्दै उनले फिल्मको बक्स अफिसमा कमजोर प्रदर्शनले क्यानडाको नागरिकताका लागि आवेदन दिन प्रेरित गरेको बताए ।

अक्षय भन्छन्, ‘मलाई लाग्यो कि मेरो फिल्म चल्दैन र काम गर्नुपर्छ । म कामको लागि त्यहाँ गएको थिएँ । मेरो साथी क्यानडामा थियाे र उसले यता आउ भनेकाे थियाे । त्यसै अनुरूप मैले आवेदन दिए र म गएँ पनि।

उनले थपे, ‘मेरा दुई फिल्म मात्र रिलिज हुन बाँकी थिए र भाग्यवश दुवै सुपरहिट भए । मेरो साथीले भन्यो फर्केर जाउ, काम सुरु गर । मैले केही फिल्महरू पाएँ र थप काम पाइरहेको छु। मसँग राहदानी छ भनेर मैले बिर्सें। मैले यो राहदानी बदल्नुपर्छ भनेर कहिल्यै सोचेकी थिइन, तर अब हो, मैले मेरो राहदानी बदल्न आवेदन दिएको छु।’

अक्षय आफ्नो क्यानेडियन नागरिकताका कारण सधैं मानिसको निशानामा रहन्छन् । उनको क्यानेडियन नागरिकता सधैं मानिसहरू बीच बहसको विषय भएको छ। अक्षयले तीन वर्षअघि आफ्ना फ्यानहरूलाई भारतीय राहदानीका लागि छिट्टै आवेदन दिने वाचा गरेका थिए ।