काठमाडौँ । साताको तेश्रो कारोबार दिन मंगलबार सेयर बजारमा ओरालो लागेको छ । नेप्से परिसूचक ३.८१ अंकले घटेर २०१९ बिन्दुमा आएर रोकिएको छ ।

यस्तै, ठूला कम्पनीको सेयर कारोबार मापन गर्ने सेन्सेटिभ परिसूचक १ अंकले घटेर ३८१.९३ विन्दुमा पुगेको छ । यसैगरी, सोमबार पनि सेयर बजार घटेको थियो । सोही दिन नेप्से परिसुचकमा ३.६५ अंकले ओरालो लागेको र एक अर्ब ८९ करोडभन्दा बढी रुपैयाँको कारोबार भएको थियो । 

नेपाल स्टक एक्सचेञ्ज (नेप्से)मा मंगलबार कूल २६२ कम्पनीको ३९ लाख ४६ हजार २४ कित्ता सेयर खरिद बिक्री हुँदा एक अर्ब रुपैयाँ ३८ करोड रुपैयाँभन्दा बढीको सेयर कारोबार भएको छ ।

त्यस्तै, कारोबारको आधारमा युनिभर्सल पावर कम्पनी शीर्ष स्थानमा रहेको छ । यसको आज सात करोड ५५ लाखभन्दा बढीको कारोबार भएको छ । यसैगरी शिवम सिमेण्टको ६ करोड ५० लाख भन्दाबढीको कारोबार भएको छ ।