वलिउड अभिनेता अजय देवगन आफ्नो आगामी फिल्म ‘भोला’ को प्रमोशनका लागि ‘द कपिल शर्मा शो’ पुगेका थिए। यसैबीच कमेडियन कपिल शर्माले उनीसँगको कुराकानीको प्रोमो क्लिप सेयर गरेका छन्।

उक्त क्लिपमा कपिलले अजयलाई ‘नाटु–नाटु’ले ओस्कर जितेकोमा बधाई दिएका छन्। अजय देवगनले फिल्म ‘आरआरआर’ को फ्ल्यासब्याक सिक्वेन्समा अभिनय गरेका थिए । तर, यो बधाईमा अजयले हास्यास्पद जवाफ दिएका छन् । अजय देवगनले आफ्नाे कारणले ‘नाटु-नाटु’ गितले ओस्कार जितेको बताएका छन् ।

यसमा कपिलले कारण साेधेका थिए । जवाफमा अजयले भने, ‘ यदी मैले डान्स गरेकाे भए !’ वास्तवमा, उनी आफ्नो खराब डान्सर भएको तर्फ औंल्याउँदै थिए। फ्यानले उनको याे जोक निकै मनपराए ।

अजय र तब्बुको फिल्म ‘भोला’ मार्च ३० मा रिलिज हुँदैछ ।