काठमाडौं । कलाकार तथा निर्माता दीपकराज गिरीले चलचित्र विकास बोर्डका अध्यक्ष भुवन केसीप्रति आक्रोश व्यक्त गरेका छन् । बुधबार बिहान सामाजिक फेसबुकमा स्ट्याटस लेख्दै कलाकार गिरीले भुवन बोर्डको अध्यक्ष भएर आएदेखी चलचित्र क्षेत्रमा लफडै लफडा भइरहेको आरोप लगाएका हुन् ।

उनले भुवनले ‘छक्का पञ्जा ४’ को कमाईबारे गलत रिपोर्ट सार्वजनिक गरेको बताएका छन् । ‘चलचित्र बिकास बोर्डले हाम्रो फिल्मको कमाइको गलत रिपोर्ट सार्वजनिक गरेको छ । यो अध्यक्ष आएपछि जताततै लफडै लफडा छ हाम्रो क्षेत्रमा,’ दीपकराजले लेखेका छन् ।

बोर्डका अध्यक्ष केसी बारम्बार विवादमा पर्दै आएका छन्। उनको कार्यशैलीप्रति कतिपय कलाकारले असन्तुष्टि व्यक्त गर्दै आएका छन्।