काठमाडौँ । नेपाल उद्योग वाणिज्य महासंघको वरिष्ठ उपाध्यक्षका अञ्जन श्रेष्ठ सर्वसम्मत भएका छन् ।

उनका निकटतम प्रतिस्पर्धी उमेशलाल श्रेष्ठले सहमति गरेसँगै अञ्जन सर्वसम्मत रूपमा महासंघको वरिष्ठ उपाध्यक्षमा छनौट भएका हुन् ।

यसअघि महासंघको वरिष्ठ उपाध्यक्षका लागि अञ्जन श्रेष्ठ, रामचन्द्र संघई र उमेशलाल श्रेष्ठ प्रतिस्पर्धामा थिए ।

त्यसमा अञ्जनले ३७.९९ प्रतिशत, उमेशले ३१.५१ प्रतिशत र संघईले ३०.४६ प्रतिशत मत प्राप्त गरेका थिए । महासंघको वरिष्ठ उपाध्यक्ष हुन ५० प्रतिशतभन्दा बढी मत ल्याउनु पर्ने हुन्छ ।