काठमाडौँ । चालु आर्थिक वर्षमा नेपालीको प्रतिव्यक्ति आय वार्षिक एक हजार ३९९ अमेरिकी डलर पुगेको छ । यो एक लाख ८२ हजार ६८३ रुपैयाँ हुन आउछ ।

राष्ट्रिय तथ्यांक कार्यालयले मंगलबार सार्वजनिक गरेको आर्थिक वर्ष ०७९–८० को वार्षिक राष्ट्रिय लेखा तथ्यांकसम्बन्धी प्रतिवेदनले नेपालीको वार्षिक आय देखाएको हो ।

कार्यालयले नेपालीको प्रतिव्यक्ति आय एक हजार ३८१ अमेरिकी डलर हुने अनुमान गरेको थियो । गत वर्ष नेपालीको प्रतिव्यक्ति आय एक लाख ६९ हजार ३८ रुपैयाँ थियो ।