काठमाडौँ । साताको अन्तिम कारोबार दिन बिहीबार सेयर बजार परिसूचक नेप्सेमा सामान्य गिरावट आएको छ । बिहीबार सेयर बजार परिसूचक नेप्से ३.३४ अंकले गिरावट हुँदा १८३८.५९ अंकमा बन्द भएको छ ।

बिहीबार कारोबारमध्ये नेपाल दूरसञ्चार प्राधिकरण (नेपाल टेलिकम)को सर्वाधिक तीन करोड १५ लाखको कारोबार हुँदा ग्लोबल आईएमई बैंकको संस्थापक सेयर करिब दुई करोड ७१ लाख र शिवम् सिमेन्टको एक करोड ८० लाखको कारोबार भएको छ ।

आज नेप्सेमा कूल २१६ सूचीकृत कम्पनीको सेयर कारोबार हुँदा ६४ कम्पनीको सेयर मूल्यमा वृद्धि भएको छ । त्यस्तै १३८ कम्पनीको सेयर मूल्यमा गिरावट हुँदा १४ कम्पनीको सेयर मूल्य स्थिर छ ।

आज आत्मनिर्भर लघुवित्तको सेयर मूल्य सर्वाधिक ६.१० प्रतिशतले वृद्धि हुँदा सिटिजन्स म्युचुअल फण्ड १ को इकाइमूल्य ५.८९ प्रतिशत गिरावट भएको छ ।

यता फर्वार्ड लघुवित्तको सेयरमूल्य ५.९९ प्रतिशतले गिरावट हुँदा बाराही हाइड्रोपावरको सेयर मूल्य ५.५२ प्रतिशतले घटेको छ ।