काठमाडौँ । लुम्बिनी प्रदेश सरकारले ४० अर्ब ४८ करोडको बजेट सार्वजनिक गरेको छ । आज बसेको प्रदेशसभा बैठकमा आर्थिक मामिलामन्त्री धनबहादुर मास्कीले ४० अर्ब ४७ करोड ९७ लाखको बजेट सार्वजनिक गरेका हुन् ।

कूल बजेटमध्ये चालुतर्फ १५ अर्ब ६३ करोड ३० लाख ९९ हजार विनियोजन गरिएको छ । पुँजीगततर्फ २३ अर्ब २५ करोड ६९ लाख १ हजार छ भने स्थानीय तहमार्फत वित्तीय हस्तान्तरणमार्फत तीन अर्ब ५८ करोड ९७ लाख विनियोजन गरिएको छ ।

बजेटको स्रोततर्फ आन्तरिक रावश्वबाट ६ अर्ब ७३ करोड ५१ लाख उठाउने लक्ष्य लिइएको छ । यस्तै, संघीय सरकारबाट राजश्व बाँडफाँटबाट ११ अर्ब ३१ करोड ७४ लाख प्राप्त भएको छ भने रोयल्टी ३९ करोड छ ।

स्थानीय तहबाट राजश्व बाँडफाँटबाट प्राप्त हुने दुई अर्ब ५० करोड ३० लाख प्राप्त हुने अनुमान गरिएको छ ।

पूर्णपाठ