काठमाडौँ । चितवनको भरतपुर महानगरले आगामी आर्थिक वर्ष २०८०/८१ का लागि ६ अर्ब ३१ करोड ७९ लाख ९० हजार रूपैयाँको बजेट सार्वजनिक गरेको छ ।

महानगरका उपप्रमुख चित्रसेन अधिकारीले पेश गरेको बजेटको स्रोतका लागि आन्तरिक आयबाट एक अर्ब ७५ करोड, संघीय सरकार र प्रदेश सरकारबाट प्रापत अनुदान एक अर्ब ८३ करोड ९९ लाख ७५ हजार, राजश्व बाडफाँटबाट ५४ करोड ८० लाख १५ हजार, जनसहभागिताबाट ५० करोड, बैंक मौज्दात एक अर्ब ६५ करोड, सडक बोर्ड नेपालबाट आउने तीन करोड रहने जनाइएको छ ।

महनगरका २९ वटा वडाका लागि प्रत्येक वडालाई दुई करोड ७५ लाखका दरले ७९ करोड ७५ लाख रकम विनियोजन गर्ने प्रस्ताव गरिएको छ ।