काठमाडौं । साताको चौथोदिन बुधबार शेयर बजारमा दाहोरो अंकको वृद्धि भएको छ । आज शेयर बजार नेप्से परिसूचक २५ दशमलव ३१ अंकले बढेर २,०९७ दशमलव ५५ को विन्दुमा कायम भएको हो।

बुधबार १८५ कम्पनकिो शेयर मुल्य बढेको छ भने ३८ कम्पनकिो शेयर मुल्य घटेको छ । आज २८९ कम्पनीको ८५ लाख ४ हजार ३७८ कित्ता शेयर किनबेच हुँदा ३ अर्ब १८ करोडमाथिको शेयर कारोबार भएको छ ।

बुधबार सबैभन्दा धेरै शिवम् सिमेन्टको शेयर कारोबार भएको छ । आज कम्पनीको ३३ करोड ९३ लाख रुपैयाँको शेयर कारोबार भएको छ ।

त्यस्तै हिमालयन लाइफको ९ करोड २३ लाख रुपैयाँको शेयर कारोबार भएको छ । सोल्टी होटलको ९ करोड १४ लाख रुपैयाँको शेयर कारोबार भएको छ ।