काठमाडौं । काठमाडौं महानगरपालिकाभित्र तपाई सवारी साधान पार्किङ गर्दा जथाभावी शुल्क तिर्नु परेर हैरानीमा हुनुहुन्छ ? अव महानगरपालिकाले सवारी पार्किङका लागि निश्चित मापदण्ड र शुल्क तय गरेको छ ।

अब देखि तपाईका दुई पाङग्रे सवारी साधन छन् भने महानगरपालिकाभित्र क्षेत्र नम्बर १ मा पहिलो आधा घण्टाको १५ रुपैया र प्रति घण्टाको २५ रुपैया पार्किङ शुल्क महानगरले तय गरेको छ । त्यस्तै, चार पाङग्रेको लागि पहिलो आधा घण्टामा ५० रुपैया र प्रति घण्टा ८० रुपैयाका दरले पार्किङ शुल्क महानगरले तय गरिदिएको छ ।

आज दैनिक पत्रिकामा सार्वजनिक सूचना जारी गदै महानगरको राजस्व विभागले त्इस्तो शुल्क तय भएको जनाएको हो ।

त्यस्तै, क्षेत्र नम्बर दुईमा दुई पाङग्रे सवारीको प्रति घण्टाको १५ रुपैया पार्किङ शुल्क महानगरले तय गरेको छ । त्यस्तै, चार पाङग्रेको लागि प्रति घण्टा ४० रुपैयाका दरले पार्किङ शुल्क महानगरले तय गरिदिएको छ । चार पाङग्रे भन्दा बढीका लागि प्रतिघण्टा एक सय रुपैया महानगरले तय गरेको छ ।

तर यसरी पार्किङ राख्नेहरुले महानगरले तय गरेको मापदण्डको भने पालना गर्नुपर्ने महानगरले जनाएको छ ।

हेर्नुहोस् सूचना