काठमाडौं । नकेपा (माओवादी केन्द्र)ले पार्टीको केन्द्रीय समिति ४०९ संख्याको बनाउने धिान संसोधन प्रस्ताव पेश भएको छ । राज्यका कानुनमा उल्लेख ३३ प्रतिशत महिला र पार्टी विधानमा उल्लेख गरेको ३५ प्रतिशत महिला प्रतिनिधित्व गराउनु पर्ने बाध्यताका कारण पनि केन्द्रीय समिति विस्तार गर्नुपरेको अध्यक्ष प्रचण्डले बताएका छन् ।

विधान संसोधन प्रस्ताव महासचिव देव गुरुङले राखेका थिए । त्यसलाई सर्वसम्मत पारित गर्न आग्रह गदै प्रचण्डले त्यसको बाध्यताका बारेमा थप बताएका हुन् ।

उनले पार्टीभित्र नेताहरुको मूल्याकन प्रणाली नभएकोले पनि पार्टी संगठन भीडमा परिणत हुन थालेको बताएका थिए । उनले अव २४ जना मिहलालाई थप गरेर केन्द्रीय समिति विस्तार हुने बताएका थिए । त्यसरी महिला केन्द्रीय सदस्य थप गर्दा बैकल्पिक केन्द्रीय सदस्यहरुलाई प्राथमिकतामा राखेर विस्तार गर्न लागिएको बताएका हुन् ।

उनले विधान सम्मेलन र विशेष महाधिवेशनसम्म यो संगठनको बाध्यता बुझिदिन आग्रह गरेका थिए ।
त्यसपछि उनले निर्ममतापूवर्क पार्टीको संगठन पूर्नगठन गरेर ४०९ लाई ९९ मा झार्ने पनि बताए ।

‘४०९ लाई ९९ मा ल्याउनु पर्दा हाम्रो गति के होला ? त्यो नगरी सुखै छैन, नत्र भीड मात्र हुन्छ,’ प्रचण्डले भने ।