काठमाडौँ प्रधानमन्त्री पुष्पकमल दाहाल प्रचण्डले सत्य निरुपण तथा मेलमिलापसम्बन्धी विषय (टिआरसी)लाई टुंग्याउन प्रतिपक्षी दलहरूलाई पनि सहमतिमा ल्याउन तीन संसदीय समितिका सभापति विपक्षी दलहरूलाई दिने सहमति बनेको बताएका छन् ।

नेकपा (माओवादी केन्द्र)का अध्यक्षसमेत रहेका प्रधानमन्त्री प्रचण्डले पार्टीको जारी केन्द्ीय समिति बैठकमा सदस्यहरूले उठाएका सवालको जवाफ दिँदै टिआरसीसम्बन्धी विषय टुंग्याउन तीन संसदीय समितिको सभापति विपक्षीलाई दिन आफूहरू सहमत भएको बताएका हुन् ।

प्रधानमन्त्री प्रचण्डले पहिला लेखा समिति मात्र प्रतिपक्षीलाई दिने गरिएको भए पनि अहिले तीन समिति सभापति दिने सहमति बनेको बताए ।