आइतबार, चैत २९, २०८२

नयाँ रेकर्ड बनाएको सुनको भाउ बिहिवार भने स्थिर

मेरोन्यूज २०८० मंसिर १४ गते ११:१६

काठमाडौँ । लगातार नयाँ रेकर्ड बनाएको सुनको मूल्य बिहिवार भने स्थिर रहेको छ।

Advertisement
nepal life insurencenepal life insurence

नेपाली बजारमा तीन दिन देखि नयाँ रेकर्ड कायम गरेको सुनको मूल्य आज भने स्थिर रहको हो।

अघिल्लो दिनको तुलनामा बुधबार प्रतितोला एक हजार छ सय रूपैयाँले बढेर सुनको भाउ हालसम्मकै उच्च बिन्दुमा पुगेको थियो।

बुधबार प्रतितोला एक लाख १९ हजार तीन सय रूपैयाँमा कारोबार भएको सुन आज (बिहिवार) पनि सोही मूल्यमा किनबेच भइरहेको छ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख १९ हजार तीन सय रूपैयाँ र तेजाबी सुन प्रतितोला एक लाख १८ हजार सात सय ५० रूपैयाँमा कारोबार भइरहेको छ।

त्यसैगरी, बिहिवार चाँदीको मूल्य पनि स्थिर रहेको छ। आज चाँदी प्रतितोला १५ सय २० रूपैयाँमा कारोबार भइरहेको छ।

बुधबार पनि चाँदी सोही मूल्यमा कारोबार भएको थियो।

प्रतिक्रिया