काठमाडौं । अभिनेत्री स्वस्तिमा खड्का यतिबेला अष्ट्रेलिया पुगेकी छन् । आफ्नो फिल्म ‘दिमाग खराब’को प्रवद्र्धनको लागि निर्देशक निश्चल बस्नेतसँगै उनी त्यहाँ पुगेकी हुन् ।

स्वस्तिमा अष्ट्रेलिया गएदेखीनै सामाजिक सञ्जालमा विभिन्न ‘शो’ मा पुगेका र घुमघाम गरेका तस्बीर र भिडियोहरु सार्वजनिक गरिरहेकी छन् ।

यसैबीच उनले सिड्नीको समुन्द्री तटमा रमाइलो गरेको तस्बीर-भिडियो पोस्ट गरेकी छन् । तस्बीरमा उनी बिकिनी अवतारमा देखिएकी छन् ।

अहिले नेपालमा चिसो बढिरहेका बेला अष्ट्रेलियामा भने निकै गर्मी छ । गर्मी छल्न उनी समुन्द्री तटमा रमाउन पुगेकी हुन् ।